Një 60-vjeçar është arrestuar nga policia e Elbasanit pasi ka kërkcënuar me armë artizanale një 24-vjeçar në bulevardin “Aqif Pasha”.
Policia bën me dije se i arrestuari është identifikuar me inicialet A. G. Ai akuzohet për veprat penale “Kanosja”, “Prishja e qetësisë publike” dhe “Mbajtja pa leje dhe prodhimi i armëve, armëve shpërthyese dhe municionit”.
Sipas autoriteteve, 60-vjeçari kishte një armë artizanale të modifikuar si armë zjarri. Policia sekuestroi armën e përdorur për kanosje dhe një fishek luftarak.
Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të metejshme.
