Një gjyqtar i Gjykatës së Shkallës së Parë në Korçë është kërcënuar me jetë nga dy persona për shkak të detyrës.
Sipas ABC News, është kërcënuar gjykatësi Besnik Shehu dhe familja e tij. Gjyqtari Shehu ka bërë denoncim në polici ndaj dy personave që ai pretendon se e kanë kërcënuar. Ata janë Erin Myrtollari dhe Muhamet Hoxha, të cilët kanë qenë palë në një proces civil në Gjykatën e Korçës.
Sipas kallëzimit të gjyqtarit, dy personat e kanë kërcënuar mëngjesin e sotëm në një ambient publik. Pas denoncimit të bërë në komisariat, Erin Myrtollari dhe Muhamet Hoxha janë shoqëruar nga uniformat blu për të verifikuar këtë çështje.
