Një shtetas palestinez, është ndaluar dhe më pas është kërcënuar nga një person i paidentifikuar që i preu rrugën me motor. Personi me kaskë në kokë e ka ofenduar palestinezin dhe madje edhe kërcënuar. Ngjarja ka ndodhur në sheshin “Karl Topia” në Tiranë.
Njoftimi i policisë:
Më datë 31.08.2017, shtetasi palestinez, H.H., 37 vjeç, ka bërë kallëzim se:
Më datë 30.07.2017, ka qene duke lëvizur me mjet tek sheshi “Karl Topia”, ndërkohë që i është afruar mjeti tip motorr, drejtuesi i të cilit, ende i paidentifikuar për shkak të kaskës, e ka ofenduar dhe i ka gjuajtur xhamin anësor të shoferit dhe më pas është larguar në drejtim të unazës.
Nga verifikimet e bëra rezulton se targat e motorrit i përkasin shtetasit T.S. Grupi hetimor po vazhdon punën për identifikimin dhe kapjen e autorit. Strukturat e drejtorisë Vendore të Policisë Tiranë kanë vijuar punën për parandalimin, evidentimin dhe goditjen e veprimtarisë Kriminale.
