Një 52vjear nga Tirana është shpallur në kërkim nga blutë e kryeqytetit, pasi akuzohet se ka përndjekur në mënyrë të vazhdueshme një avokat. Burime pranë policisë sqaruan se po punohet për kapjen e shtetasit me iniciale A.M. Ky person ka përndjekur dhe kanosur me jetë avokatin me iniciale S.K., 37 vjeç duke pretenduar se ky i fundit i ka marrë një shumë të caktuar lekësh për t’u liruar nga burgu.
Burimet e sipërpërmendura sqaruan se 52vjeçari ka qenë në burg për veprën penale të “Falsifikimit”. Kallëzimi në polici është bërë nga
vetë avokati, i cili ka deklaruar se A.M. tashmë i kërkon shumën e lekëve që i ka dhënë gjatë kohës që e ka pasur si palën e tij mbrojtëse.
“Më datë 28.03.2016 u referuan materialet në Prokurorinë e Rrethit Gjyqësor Tiranë, për shtetasin A.M., vjeç 52, banues në Tiranë, pasi
dyshohet se në mënyrë të vazhdueshme ka përndjekur avokatin, shtetasin S.K., vjeç 37, banues në Tiranë. Punohet për kapjen e A.M.”, thuhet në njoftimin zyrtar të policisë. Gjatë dëshmisë që kallëzuesi ka bërë para efektivëve të komisariatit numër 6 në Tiranë, ka sqaruar se i ka marrë një shumë të caktuar shtetasit A.M. gjatë kohës që ky i fundit ishte pala mbrojtëse e tij. Në lidhje me këtë, avokati ka pohuar se nuk i ka marrë asnjë shumë tjetër parash përveç “hakut të punës”.
Gjithashtu, personi me iniciale S.K. ka treguar para hetuesve të çështjes se 52vjeçari e ka kërcënuar edhe me jetë nëse ai nuk i kthen shumën që i ka dhënë më herët. Mësohet se shtetasit A.M. dhe S.K. jetojnë në të njëjtin pallat në zonën e Kombinatit dhe kanë pasur përplasje çdo ditë me njëritjetrin. “Për çdo ditë më del para derës e më kërcënon se do më vrasë, nëse nuk i kthej shumën e lekëve që më ka dhënë gjatë kohës që kam qenë pala e tij mbrojtëse në gjyq. Ai u burgos për ‘Falsifikim’ dhe tashmë pretendon se është liruar nga amnistia”, mësohet të ketë thënë avokati në polici. /GSH
