Dejvid Filips, drejtor i programit të Paqes dhe Lirive në Universitetin e Kolumbias në SHBA, ka bërë një artikull mbi sigurinë në rajonin e Ballkanit.
Titulli i shkrimit të botuar në “Huffington Post” është “Shqipëria është aleate e besueshme e SHBA-ve”.
Në këtë shkrim, ai flet për kërcënimin rus dhe për marrëdhëniet e ngushta Shqipëri-SHBA. Sipas tij, Shqipëria dhe Kosova mund të pranojnë që SHBA-të dhe NATO të zgjerojnë bazat ushtarake në këto dy vende.
Ai madje propozon se fusha e Gjadrit mund të shërbente si një bazë ajrore e SHBA-ve dhe e NATO-s. Ndër vendet e Ballkanit, ai përmend vetëm Shqipërinë dhe Kosovën si dy vende të besueshme, dhe shqiptarët në Greqi, Maqedoni, Mal të Zi dhe Serbi.
“Shqipëria dhe Kosova janë partnere të besueshme të SHBA-ve. Ndërkohë, Rusia mbetet kërcënim serioz për rajonin.
Në këtë kuadër, Shqipëria është pjesë e NATO-s që nga viti 2009. Ajo ka kontribuar me trupa ushtarake dhe ekip mjekësor në Afganistan gjithashtu. Për këtë arsye, Shqipëria mund të jetë partneri më strategjik i SHBA-ve në Ballkan.
Për të shmangur një influencë ruse, baza ajrore e Gjadrit mund të bëhet një bazë madhore e NATO-s”, shkruan Filips.
