Ilir Meta nga selia e LSI ngriti gishtin dhe ashpërsoi tonet: Mos të ketë guxim asnjeri të prekë qoftë edhe një votë se ajo ç’ka ndodh nuk e kanë parë as në ëndrrën më të keqe. Unë nuk dekretoj kryeministër apo ministër, nëse zgjedhjet nuk janë të gjithëpranuara tha Meta duke folur si President.
Më tej ai shtoi se “kjo nuk është deklarata e Bashës në serën e tij (çadër) por është deklarata e Ilir Metës. “Nëse ata të dy ish-emigrantët (Rama+basha) nuk duan të jetojnë në këtë vend le të ikin dhe s’kanë pse ikin 56 për qind e shqiptarëve siç rezultoi në sondazhin e Gallup”.
“Këtu bëhet fjalë për të prekur vullnetin e lirë të popullit shqiptar. Nuk do tolerohet askush që vendos dorë mbi zgjedhjet. Ja them të gjithëve, edhe Edi Ramës mos të tentojnë të vënë dorë mbi procesin zgjedhor. Po monitorohen të gjitha pikat e policisë. Të gjithë janë në monitorim ‘non stop’. Nuk me intereson ca thotë njeri dhe tjetri do dëgjoj popullin shqiptar. Askush mos të dëmtojë vullnetin e popullit shqiptar”, perfundoi Meta tejet i revoltuar dhe duke akuzuar se policia mund të përdoret në zgjedhje.
/Opinion.al
