Në Komisionin e Sigurisë ka pasur një debat mes Ervin Salianjit dhe Pjerin Ndreut. Në një moment Pjerin Ndreu i ka thënë Salianjit “do hash dru”, gjë të cilën ky i fundit e ka marrë si kërcënim. Salianji për këtë deklaratë të Ndreut ka folur për mediat ku u shpreh se :
“Një nga deputetët e mazhorancës tentoi sot të kërcënonte, duke menduar se do më frikësonte për të mos thënë të vërtetat nga frika dhe lepuri që ka në bark dhe kapja që iu kanë bërë ndërkombëtarët në krim, drogë e grupet kriminale.
Sot ishte një fakt tjetër i provuar i asaj që kemi thënë prej vitesh, që Rama fle me krimin, që banditët i ka futur në Parlament dhe me ta qeveris. Nuk kam frikë nga kërcënimet, opozitës nuk i mbyllet goja”- tha ai.
DEBATI
Sterkaj: Je bilbil mali. Se vetëm për të folur ke ardhur.
Pjerin Ndreu (pa mikrofon): Mos i provoke të gjithë se do hash dajak. Ti do rrahur.
Sterkaj-Salianjit: Unë bëj mundje, boks edhe karate. Mos më bëj mua presion.
Pjerin Ndreu: Rri more urtë se je bërë provokator i keq, rri more urtë nuk e shikon çfarë është bërë në të kaluarën.
Salianji: Nuk pyes dhe skam frike nga asnje bandit me ose pa pushtet.
