Për të luftuar gushën është e nevojshme të veproni në të njëjtën kohë në dy mënyra:
• Duhet të inkurajoni eliminimin e toksinave (yndyrnave, lëngjeve, etj) sepse ato akumulohen nën mjekrën tuaj.
• Përmirësoni hidratimin e lëkurës, për t’i dhënë asaj elasticitet dhe qëndrueshmëri.
Mbi këtë bazë, ne sugjerojmë disa qasje natyrore për eliminimin e gushës: një maskë, një locion hidratues dhe një stërvitje efektive.
Maskë me argjilë dhe kos
Argjila është një element thelbësor për shëndetin dhe bukurinë, pasi ajo ka aftësinë për të thithur toksinat nëpër poret e lëkurës dhe duke i dhënë në të njëjtën kohë një sasi të madhe të mineraleve. Rrit elasticitetin dhe qëndrueshmërinë e lëkurës, duke e bërë fytyrën të duket më mirë.
Pra, argjila është një zgjidhje e shkëlqyer për të luftuar gushën sepse ajo lejon heqjen e substancave që grumbullohen në këtë zonë dhe, në të njëjtën kohë, i kundërvihet relaksimit të lëkurës.
Përzierja e argjilës me ujë mund ta bëjë lëkurën të thatë, veçanërisht nëqoftëse lëkura ka tendencën të jetë e thatë. Për këtë arsye është mirë ta përzieni me kos të thjeshtë për t’i shtuar argjilës edhe efektin hidratues.
Si përdoret
• Përzieni një lugë gjelle pluhur argjilë me kos të thjeshtë, aq sa të fitoni një pastë mjaft të lëngshme për ta përhapur në një shtresë të trashë në zonën e gushës, por pa e lënë të pikojë.
• Gjatë përgatitjes, shmangni përdorimin e enëve metalike ose plastike, pasi këto enë reduktojnë efektivitetin e argjilës. Zgjidhni enë qelqi, druri apo qeramike.
• Aplikoni maskën në gushë dhe e lini të thahet për 15-20 minuta. Shpëlajeni më pas me ujë.
• Përsëriteni trajtimin një herë ose dy herë në javë.
• Pas kësaj maske, gjithmonë mos harroni të zbusni lëkurën.
Krem me vaj gruri dhe limon
Për t’i dhënë elasticitet lëkurës dhe për të parandaluar relaksimin e saj është shumë e rëndësishme zgjedhja e një zbutësi të mirë. Në këtë rast ju sugjerojmë një locion që mund ta bëni në shtëpi me dy përbërës të thjeshtë:
Vajin e grurit – Ky vaj bimor është shumë i mirë për lëkurën, në sajë të përmbajtjes së tij me vitaminë B dhe minerale. Ai është gjithashtu i pasur me vitaminë E, e cila është një antioksidant i fuqishëm që parandalon plakjen.
Së fundi, ai i jep qëndrueshmëri dhe ndriçon lëkurën.
Limoni
Përbërësi tjetër i locionit është limoni. Ju mund të përdorni lëngun ose vajin esencial të tij. Limoni stimulon qarkullimin, ndihmon në shpërndarjen e yndyrnave, përmirëson eliminimin e lëngjeve dhe tonifikon lëkurën. Ai është në fakt një përbërës ideal.
Mos harroni të mos e ekspozoni veten në diell pas aplikimit, për shkak se limoni pastron thellë lëkurën. Më mirë e përdorni atë para se të shkoni për të fjetur./shije.al
