Me afrimin e stinës së dimirt të gjithë kemi ftohtë. Por ka shumë njerëz që i kanë duart gjatë gjithë kohës të ftohta. Mjekët mendojnë se në raste të zgjatura kjo mund të rrezikojë shëndetin tuaj. Ja disa nga sëmundjet që mund t’ju rrezikojnë.
Sindroma Raynaud
Ngushtimi i enëve të gjakut në gishta, si reagim ndaj ftohtësisë, apo stresit emocional. Për këtë shkak vjen deri te një ndjenjë e fortë e ftohjes, e bile gishtat edhe mund të ënjten. Duhet të konsultoheni me imunologun, meqë Sindroma Raynaud mund të jetë tregues i ndonjë sëmundjeje autoimune, transmeton albeu.
Hipotireoza
Personat, të cilët vuajnë nga ngadalësimi i punës së gjëndrës tiroide, gjithmonë kanë gishta të ftohtë, meqë gjëndra tiroide e rregullon temperaturën trupore.
Anemia
Lodhja, dhembja e kokës, mungesa e ajrit dhe marramendja, të gjitha këto janë simptoma të anemisë. Mungesa e hekurit në organizëm ndikon në temperaturën trupore. Anemia po ashtu zvogëlon furnizimin e organizmit me oksigjen, gjë që çon te ftohja e gishtave.
Shtypja e ulët e gjakut
Kur na bie presioni i gjakut, atëherë enët e gjakut e dërgojnë gjakun nga duart dhe këmbët në organet vitale.
Pirja e duhanit
Nikotina shkakton tkurrjen e enëve të gjakut, për çka qarkullimi në gjymtyrë është i dobësuar, varësisht se sa pini duhan.
