Rita Ora ka treguar si u ndje kur mësoi për herë të parë për sëmundjen e rëndë të nënës së saj. Vera Ora, e ëma e këngëtares së famshme shqiptare Rita Ora zbuloi vetëm pak ditë më parë se ka fituar betejën me kancerin, duke shtuar se ndihej e qetë dhe e fitimtare.
“Kur mora vesh që mami ishte sëmurë me kancer në gji, mendova: ‘O Zot, nuk mund të gjeje një person më perfekt për t’u marrë me këtë punë’. E kuptoja që kishte kancer në gji dhe mund vetëm ta imagjinoja jetën e saj, sesi ishte për të që të rriste tre fëmijë, te linte miqtë dhe të afërmit në Kosovë pasi lëvizëm në Britani, të mësonte një gjuhë të re, u bë psikiatre për ne. Nuk mund të jem më krenare se kaq për udhëtimin e nënës sime”, shprehet Rita në një video të publikuar nga e ëma në Instagram.
Kjo video në fakt i drejtohet një fondacioni që mbështet gratë me të njëjtën sëmundje, ndërsa nëna e këngëtares do të prezantojë të brendshme për femrat me kancer në gji për të treguar se e bukura vjen në çdo formë./E.M
