Përmes një statusi në Insta Story, Bebe Rexha tregoi se ishte përfshirë në një aksident automobilistik. Këngëtarja iu bëri me dije fansave se ajo dhe personat që e shoqëronin ishin mire, por shtoi se kjo ndohi e rikujtoi se sa e çmuar është jeta.
Pak minuta pas këtij postimi, ajo postoi një tjetër reflektim, ku tregoi se po mundohet të jetë më e mirë me veten dhe të tjerët.
“U përfshiva në një aksident automobilistik ditën e sotme. Të gjithë jemi mirë. Thjesht më rikujtoi mua se sa e çmuar është jeta. Jam duke u munduar të jem më e mirë me veten dhe të tjerët. Meqë ra fjala, ju dua!”
Kujtojmë se pak ditë më parë Bebe Rexha deklaroi publikisht se vuante nga çrregullimi bipolar, e cila është një sëmundje mendore që konsiston në luhatje të papritura të humorit.
“Për një kohë super të gjatë unë nuk e kuptoja se përse ndihesha aq e sëmurë. Përse ndjeja pafuqi që më bënin që të mos dëshiroja të dilja nga shtëpia ose të rrethohesha nga njerëz dhe përse ndjeja super energji që nuk më lejonin që të flija gjumë, që nuk më lejonin të ndaloja së punuari ose të bëri muzikë. Tani e di pse! Unë jam bipolare dhe s’kam më turp ta them! Kjo është e gjitha. Ky album i radhës do të jetë albumi më i preferuar sepse unë nuk do fsheh asgjë. Ju dua të gjithëve shumë dhe shpresoj që të më pranoni mua siç jam. Nuk dua që juve t’ju vijë keq. Thjesht dua të më pranoni. Kjo është e gjitha. Ju dua”, shkruante këngëtarja asokohe./Opinion.al
