Këngëtari me famë botërore la të gjithë fansat e tij me “zemër të thyer” gjatë një interviste që foli për djalin 5-vjeçar Noah që u diagnostikua me kancer.
43-vjeçari Michael Buble tha se bota e tij u shemb kur mësoi sëmundjen e djalit.
Gjatë kësaj interviste ai u shpreh se pavarësisht se nuk ndihej mirë, duhej t’i jepte forcë familjes në një farë mënyre dhe të ishte pozitiv.
“E gjithë jeta ime mori fund. Unë nuk isha në rregull. Kur të gjitha këto nisën, u bëra forca për të na tërhequr disi dhe për të na ngritur. Kur ata e shëruan atë dhe kimioterapia përfundoi, unë e lëshova veten. Gruaja më ndihmoi. Ai është pesë vjeç dhe i them se Spiderman-i është i mahnitshëm por është fals, ai nuk është real. Ti je heroi im, ti je superheroi im”, shprehet Buble.
Fatmirësisht Noah u shërua nga kanceri në mëlçi. Ndërkohë siç ka thënë Michael, kjo eksperiencë e bëri këngëtarin të vlerësojë gjithçka në jetën e tij dhe të heqë dorë nga ato të panevojshmet, madje dhe muzika.
