Këngëtari U2, Bono ka kërkuar falje pas akuzave të ngritura për ngacmim dhe abuzim seksual në fondacionin e bamirësisë që themeloi.
Një ndër akuzat është se një punonjëse e fondacionit, refuzoi të kryejë marrëdhënie intime me një zyrtar të huaj.
Menxherja e fondacionit, mendohet se ka bërë ‘komente seksiste dhe sugjestive’ rreth saj tek zyrtari.
Bono u shpreh për gazetën ‘Mail on Sunday’: Ne të gjithë ndjehemi shumë keq, e urrej ngacmimin seksual, një gjë të tillë nuk mund t’a përballoj.
Gazeta shkruan se fondacioni ka pranuar publikisht akuzat, pasi i ishte dërguar një listë e gjatë nga përfundimi i një hetimi.
Deklarata e bërë nga CEO i fondacionit, Gayle Smith, theksonte se ish-punonjësit kishin njoftuar një javë më parë fondacionin, rreth veprimeve të pazgjidhura ligjore lidhur me ankesat e tyre.
Ajo tha se historia e ngacmimeve seksuale u publikua në muajin nëntor, ku disa ish-punonjës nga dega e Johanesburgut treguan historitë personale mbi atë se çfarë u kishte ndodhur në rrejtet sociale.
“Hetimi zbuloi prova që tregonin sjellje jo profesionale, në veçanti, atë që unë do t’a karakterizoja si ngacmim dhe zvogëlim të stafit nga 2011 deri në 2015 në degën tonë në Johanesburgut”,- tha znj.Smith.
Bono ka theksuar se është i shqetësuar dhe i zemëruar kur mësoi në lidhje me akuzat në muajin nëntor.
“Ekipi im dhe unë personalisht kur dëgjova akuzat rreth moralit të ulët dhe menaxhimit të dobët të kësaj dege, u ndjeva i tronditur”- tha ai.
Sipas tij, zyra qëndrore nuk arriti t’i mbrojë këta punonjës dhe ai ka marrë përgjegjësi në lidhje me këtë, duke shprehur dëshirën për t’i takuar personalisht dhe t’u kërkojë falje.
Anëtarë të tjerë të njohur të këtij fondacioni bamirësie janë ish-kryeministri britanik David Cameron dhe Sheryl Sandberg, një nga shefat kryesorë të rrejtit social Facebook.
Fondacioni u krijuar në vitin 2004 me qëllimin për të luftuar varfërinë e tejskajshme. Organizata e saj motër, Red, u themelua dy vjet më vonë, ndërsa përpiqet të mbledhë fonde përmes shitjes së produkteve të luksit, përfshirë edhe kompjuterat Apple./PROlajm.al
