Ndoshta jo të gjithë mund ta dinë, por ai vite më parë është përballur me dhimbjen më të madhe që një prind mund të ketë, humbjen e vogëlushes së tij Sofia, vetëm 19 muajshe. Sot vogëlushja do të mbushte 10 vjeçe dhe për këtë aryse, Sidrit Bejleri i ka dedikuar një status me fjalë prekëse plot dhimbje për humbjen e saj.
“Kjo është Sofi Sidrit Bejleri.Them është sepse do vazhdojë të jetë për mua, deri ditën që do mbyll sytë dhe do e takoj andej, dashtë Zoti! Sot do mbushte 10 vjeçe, por Zoti me plotfuqishmërinë e Tij e mori, ashtu dhe siç na e dha… Dikush mund të thotë, po ky pse na tregon dhimbjen e tij? Nuk e postova për këtë, por desha të krenohem me dhuratën që na e dha Zoti për 19 muaj dhe njëkohësisht t’ju tërheq vëmendjen se kushdo dhe kurdo mund të sprovohet, me të afërmit e tij… Se nuk ikën domosdoshmërisht, plaku para të riut, i sëmuri para të shëndetshmit dhe prindi para fëmijës… Askush nuk është i përjetshëm në këtë jetë. Të Zotit jemi dhe tek Ai kthehemi. Qofsh lule e Xhenetit Sofia jeme!”, shkruan Sidrit Bejleri.
