Një turiste britanike ka akuzuar këngëtarin Sam Smith pasi e ka ofenduar për peshën e saj.
Lauren Brooks u ul në një tavolinë pranë Smith dhe partnerit të tij, Brandon Flynn teksa shijonte mëngjesin. Tronditja i erdhi kur pa që këngëtari kishte publikuar në Instagram një video që tregonte gruan teksa hante ushqim duke e shoqëruar me një shkrim që e lëndoi.
Videot u shpërndanë në profilin e tij që ka 9.6 milionë ndjekës. “Kushdo që më njeh do e vinte re që unë jam aty pranë. Imagjinoni sikur aty të ishte një vajzë që ndihet e pasigurtë për peshën e saj. Të kesh një person të njohur që tallet me atë që po han do e kthente në një vakt të tmerrshëm”, tha turistja për DailyStar.
