Ndërsa mediat sot shkruanin se ishte një dedikim, “iconstyle.al” vendosi që të kontaktonte personalisht me këngëtaren.
E pyetur nëse kënga lidhet me jetën e saj personale apo jo, këngëtarja u shpreh kështu:
“Aspak! Teksti është shkruar nga “2 Step”, jo nga unë. Njerëzit mund ta lidhin me ngjarje të të kaluarës sime, por nuk fakt nuk është histori personale. Nuk i kam bërë askujt dedikim deri më sot”.
Ndërsa Mimoza Shkodra hedh poshtë dyshimet e fansave të saj, kënga është kthyer tashmë në një hit.
Edhe këtë herë Mimoza ka zgjedhur t’i qëndrojë besnike stilit të saj të baladave. Kënga flet për një histori dashurie, e cila ka përfunduar për shkak të gabimeve të çiftit, por pavarësisht kësaj ata janë dashur.
Menjëherë pas publikimit, kjo këngë ka tërhequr vëmendjen e fansave, të cilët shkruajnë se ky është një dedikim i hapur për Seldin. Ata shprehen se teksti i këngës bazohet në historinë e dashurisë së dy ish-partnerëve, të cilët u ndanë rreth një vit pasi bënë zyrtare lidhjen e tyre.
