Inteligjenca Artificiale (AI nga Artificial Intelligence) po hyn në jetën tonë çdo ditë e më shumë, duke shkaktuar një shqetësim të madh për aftësitë që paraqet, pasi tashmë është në një pikë ku krijimet e saj, si imazhe, video dhe madje edhe këngë, në disa raste janë të pakuptueshme që nuk janë produkt i ndërhyrjes njerëzore!
Së fundmi është publikuar një këngë e titulluar “Heart on My Sleeve” e cila huazon zërat e Drake dhe The Weeknd. Jo vetëm kënga, por edhe fakti që u ngarkua në shumë platforma si Spotify shkaktoi reagime të forta në rrjet.
Kënga u bë shumë shpejt virale në rrjetet sociale, duke mbledhur miliona shikime. Kënga u publikua nga një përdorues anonim “Ghostwriter977” ku shkruante “”Unë kam qenë një shkrimtar fantazmë për vite dhe nuk jam paguar pothuajse asgjë”. Pikërisht nga këtu lindin debatet. Si mund të publikohej një këngë e tillë pa marrë miratimin nga vetë këngëtarët, autori mund të jetë një amator me një mllef që do e shkatërrojë Hip-hop si edhe do mbjellë mosmarrëveshje në industrinë e muzikës. Të gjitha të panjohurat e bëjnë të domosdoshme që industria të veprojë shpejt. Si do të zgjidhen çështje të tilla?
Beteja është në fillimet e saj, por do të jetë në dorën e gjykatave të vendosin se çfarë përbën një shkelje të ligjit në këto platforma, kush përfiton dhe sa para mund merret nga ajo.
Mundësitë e pafundme të inteligjencës artificiale kërkojnë mbrojtje të hekurt për të drejtat e autorit që shkojnë edhe më tej se rregullat që ekzistojnë aktualisht në industri.
https://youtu.be/81Kafnm0eKQ
