Kryetari i Bashkisë së Tiranës, Erion Veliaj ka reaguar ndaj përfshirjes së Presidentit të Republikës, Bujar Nishani në debatin për këndin e lojërave në Parkun e Liqenit.
Nëpërmjet një postimi në Twitter, Veliaj e ka konsideruar të turpshme angazhimin e Presidentit për të përkrahur prishjen e këndit të lojërave për fëmijë. Madje, ai i kujton Nishanit se është qytetari më i privilegjuar në Shqipëri, pasi jeton mu në mes të parkut.
“Sa turp që do tu prishë parkun fëmijëve! Nishani i vetmi shtetas që jeton me vilë në Park e eskortë në pedonale”, shkruan Veliaj.
Ai ka ironizuar gjithashtu Nishanin në rolin që ka marrë në këtë rast.
“Bota ka parë Kryetar Bashkie të dojë të bëhet President, por President të behet kryetar bashkie veç Tirana po sheh!”
“Lodrat do bëhen! Nëse Nishani ka vilë në Park, edhe fëmijët do kenë këndin. 200,000 fëmijët e Tiranës vlejnë më shumë se urdhrat e Partisë Demokratike, i dashur President”, përfundoi Veliaj.
