Në konferencën për media, kreu i PBDNJ-së, Vangjel Dule u ndal edhe te çështja e Fredi Belerit.
Sipas Dules, procesi ka paligjshmëri, sepse po pengohet betimi si kryebashkiak i Himarës.
“Beleri ishte me avokatin e vetë dhe një të afërm. Kujt po ia blinte votën? Kemi paligjshmëri në procesin e Belerit. Ajo që nuk është ligj shqiptar e as grek, por është turp, është prezumimi i pafajësisë. Nuk ka një vendim të prerë, dhe është i prezumuar i pafajshëm, prandaj nuk mund të pengohet të betohet dhe të marrë përsipër detyrën. Kjo është një shkelje e Kushtetues, legjislacionit në fuqi, konventave europiane dhe konventave shoqërore. Beleri është peng dhe privohet nga marrja e detyrës. Askush nuk e pengoi drejtësinë të kryejë punën e vetë, por mbajtja e Belerit pa betuar gjashtë muaj është shkelje flagrante dhe nuk duhet lejuar”, tha Dule./Opinion.al
