Belind Këlliçi ka folur sot nga protesta e opozitës e cila po mbahet para bashkisë së Tiranës.
Ai deklaroi se tubimi në fjalë është pa dallim partiak dhe e thirrur për të gjithë shqiptarët.
Këlliçi tha se të gjithë abuzuesit për inceneratorin e Tiranës do të dalin para drejtësisë.
”Kjo protestë bëhet pa dallim partiak. Është e thirrur nga opozita për të gjithë shqiptarët. Të dashur miq, çfarë ka ndodhur javën e fundit. Garantojmë SPAK-un se ato para që nuk po i gjen dot SPAK-u, do i gjejë grupi i ekspertëve që ka gjetur PD. Do të rreshtohemi kundër hajdutëve dhe banditëve.
Veliaj ka kaluar nga skema 5 D, në skemën 7 D. Kanë hapur një kompani në Bullgari 7 S, 7 specialistët. Kushdo që mbron kryehajdutin Veliaj do të përfundojë pas hekurave. Ky qytet është kthyer në lavatriçe të pastrimit të parave. Nuk do të tërhiqemi pa e çuar Erion Veliajn para drejtësisë”, tha Këlliçi.
