Keidi Bare largohet nga Espanyol. Klubi spanjoll ka zyrtarizuar mbylljen e marrëdhënies me fierakun, i cili e ka veshur fanellën e Espanyol në 119 ndeshje gjatë karrierës.
Në deklaratën e klubit, Bare cilësohet si një luftëtar i palodhur, si dhe një shembull i sakrificës dhe i përkushtimit. Bare luante te Espanyol prej sezonit 2020-2021 dhe me përfundimin e kontratës palët nuk kanë arritur një marrëveshje për të vijuar bashkëpunimin.
Ditët e fundit është përfolur se Bare mund të transferohet te Olympiacos.
Keidi Bare ishte një nga lojtarët më të rëndësishëm këtë edicion, me Espanyol, që arriti që të sigurojë rikthimin në La LIga, por vetë mesfushori kërkon një aventurë të re, pas katër vitesh me fanellën e Espanyol. Në garë për shërbimet e futbollisti kuqezi janë edhe Leganes e Rayo Vallecano.
