Lajme të mira për kosovarët. Komisioni Europian ka propozuar sot në Bruksel liberalizimin e vizave për Kosovën, me afat të shkurtër qëndrimi.
Lajmi u bë i ditur nga Maja Kocijancic, zëdhënësja e Përfaqësueses së Lartë për Politikë të Jashtme në një postim në Tëitter.
“Komisioni Evropian rekomandoi sot heqjen e vizave për qëndrimet afatshkurtra në BE për qytetarët e Ukrainës, Gjeorgjisë dhe Kosovës”, deklaroi presidenti i KE-së, JeanClaude Juncker.
Kosovës i duhet të përmbush edhe 8 kritere për liberalizimin e vizave.
Komisioneri për Çështje të Brendshme i BEsë, Dimtris Avramopulos ka deklaruar se Kosova ka arritur progres të madh për çështjen e vizave, por mbeten edhe tetë kritere që duhet të përmbushen deri në fillim të vitit 2016.
Ai tha se janë katër kritere me prioritet që shpreson se Kosova do t’i përmbush.
“Sa më shpejt që këto të përmbushen, komisioni do të propozojë heqjen e vizave. Ne kemi vendosur 4 prioritete që Kosova duhet t’i përmbush. Jam shumë i kënaqur që Kosova ka arritur që nga viti 2014 në planin e vizave dhe shpresoj që Kosovë do të përmbush shumë shpejt kriteret tjera në mënyrë që komisioni të propozoj heqjen e vizave. Shpresoj që deri në fillim të vitit 2016 Kosova t’i përmbush këto kritere”, ka thënë ai.
Ai paralajmëroi që do ta vizitojë Kosovën në fillim të vitit. Vizat do jenë për periudhë të shkurtër kohore, kryesisht do jenë turistike.
