TIRANE- Kryeprokurori Adriatik Llalla ka thirrur SOT në zyrën e tij sot 4 ministra të Qeverisë Rama, përkatësisht, Tahiri, Manjani, Cani dhe Koka. Sipas zyres per mediat te kryeprokurorit ata janë thirrur për të forcuar bashkëpunimin në luftën kundër korrupsionit.
Komunikata e prokurorise
Prokurori i Përgjithshëm, z. Adriatik Llalla zhvilloi një takim të zgjeruar me Ministrin e Brendshëm, z. Saimir Tahiri, Ministrin e Drejtësisë, z. Ylli Manjani, Ministrin e Financave, z. Shkëlqim Cani, Ministrin e Mjedisit, z. Lefter Koka, të cilët ishin të shoqëruar nga Drejtorët e Përgjithshëm të Policisë së Shtetit, Tatimeve dhe Doganave.
Takimi kishte për qëllim forcimin e rolit të policisë gjyqësore dhe rritjen e efikasitetit në goditjen e krimit në përgjithësi dhe krimeve financiare në mënyrë të veçantë.
Prokurori i Përgjithshëm tha se duhen gjetur hapësirat e përbashkëta për shtimin e numrit të oficerëve të Policisë Gjyqësore, si edhe domosdoshmëria për rritja profesionale të tyre.
Ministri i Brendshëm, Tahiri, u shpreh se, krahas nevojës për forcimin e kapaciteteve në Policinë Gjyqësore, është e domosdoshme që të zhvillohen analiza funksionale dhe analiza rezultati, lidhur me hetimet penale.
Ministri i Drejtësisë, . Manjani, vuri theksin tek shpejtësia e hetimit, për të minimizuar problemin e mbipopullimit të ambjenteve të paraburgimit, si edhe të kostove financiare që pasojnë këtë situatë.
Cani tha se shtimi i numrit të përgjithshëm të oficerëve të Policisë Gjyqësore ka kosto financiare dhe për këtë arsye, institucionet duhet të paraqesin argumentin e plota mbi nevojën e forcimit të kapaciteteve njerëzore të këtyre strukturave.
Koka, shprehu qëndrimin e njëjtë për nevojën e forcimit të kapaciteteve njerëzore në këtë drejtim.
