Kate Moss e zhveshur dhe e shtrirë në divan është një nga kampanjat më të famshme të parfumeve të të gjitha kohërave, por kujtimet e modeles për këtë, janë ndryshe. Ajo ka treguar se ishin këto fotografi ato që i përfunduan një lidhje dashurie.
Për herë të parë, Moss ka folur për kampanjën e parfumit të Calvin Klein të vitit 1993.
Imazhet ishin realizuar atëherë nga i dashuri i Moss, fotografi Mario Sorrenti në një ishull.
Por, ajo ka treguar se që atëherë, ai ishte pasionuar me të, dhe tërë kohën i kërkonte të pozonte. Një veprim i tillë nuk i kishte pëlqyer asaj.
‘Ai ishte i fiksuar. Zgjohesha në mëngjes dhe ai më fotografonte. Kështu ishte për 10 ditë, ai nuk mund të ndalonte së fotografuari. U ndamë pas kësaj. Kur je në lidhje me një fotograf dhe ata nisin të abuzojnë lidhjen, sikurse: “Dua ta bësh këtë, dua ta bësh atë”, ju bën të mendoni :’Jo nuk dua të punojë gjithë kohën, por ai ishte keshtu: Ngjitu në çati, hiqi rrobat’, shpjegoi Moss.
41 vjeçarja tani thotë se një gjë e tillë mund të jetë më e kuptueshme për të.
‘Tani e kuptoj më mirë se çdo të thotë të kapësh një imazh, por në atë kohë isha 17 vjeçare”, theksoi ajo.
