Në historinë e trazuar të Jemenit, fëmijët gjithmonë janë armatosur dhe janë dërguar në betejë të detyruar nga grupet e armatosura ose forcat e regjimit.
Komuniteti ndërkombëtar është përpjekur t’i japë fund kësaj praktike dhe kohët e fundit Kombet e Bashkuara e detyruan qeverinë të premtojë ndalimin e përdorimit të fëmijëve si ushtarë.
Ndërkohë lufta ka shkaktuar një katastrofë humanitare në vendin më të varfër të botës arabe. Rreth 1.3 milionë fëmijë të moshës nën 5 vjeç janë në rrezikun e kequshqyerjes dhe të paktën 2 milionë janë jashtë shkollave sipas (UNICEF).
Por çfarë domethenieje ka për vendin pjesëmarrja e fëmijëve në luftë? Përfaqësuesja e UNICEF, tregon për Hugffingtonpost, se “është e tmerrshme të shohësh fëmijë të moshës 10 apo 11 vjeçare, që mbajnë kallashnikovë”.
Ajo shton se fëmijët vendosen në frontin e parë të luftës apo në kontrollet e rrugës, ndërsa marrin një pagesë të vogël për këtë shërbim.
