Katalonja ka shkelur afatin e vendosur nga Spanja për të pranuar ofertën për të hequr dorë nga pavarësia. Kështu, Spanja ka paralajmëruar se do të heqë autonominë e rajonit. Udhëheqësi i Katalonjës Carles Puigdemont kishte afat deri në orën 10:00 të mëngjesit të sotëm për të sqaruar pozicionin e tij. Pas një referendumi më 1 tetor, ai nënshkroi një deklaratë pavarësie, por pastaj e pezulloi atë, duke kërkuar dialog. Sipas raporteve mësohet se Puigdemont do të heqë dorë nga pavarësia nëse Madriti merr kontrollin e drejtëpërdrejtë.
Frika se ky vendim mund të shkaktojë trazira në Katalonjë është e madhe. Neni 155 i Kushtetutës së Spanjës të vitit 1978, i cili çimenton sundimin demokratik pas vdekjes së diktatorit Franco tre vjet më parë, i lejon Madridit të imponojë sundim të drejtpërdrejtë rast krize por nuk është zbatuar kurrë.
Në prag të afatit përfundimtar, ka pasur protesta masive mbi arrestimin e dy udhëheqësve të lëvizjes separatiste. Udhëheqësit politikë në Madrid dhe Barcelonë kanë qenë të angazhuar në një qëndrim të tensionuar që nga referendumi i diskutueshëm, të cilin udhëheqësit katalanas thonë se rezultoi në një votim “Po” për pavarësinë, por që qeveria qendrore e konsideron të paligjshme./Opinion.al
