“Kapja e peshqve të mëdhenj”, reagimi i ashpër i Donald Lu: Ku janë rezultatet?

Teksa po mbyllet muaji janar kur ishte paralajmëruar arrestimi i të ashtuquajturve “peshqit e mëdhenj” të krimit dhe korrupsionit në vend, ambasadori amerikan Donald Lu i gjendur përpara pyetjeve të shumta për këtë, i kërkon politikanëve, policëve dhe prokurorëve që të mbajnë zotimin e tyre para popullit dhe SHBA-ve. Ai i kujton se janari iku dhe ‘peshqit e mëdhenj’ nuk janë ende në rrjet. Ja deklarata e tij.
“Politikanëve, policëve dhe prokurorëve: ju u zotuat përpara popullit shqiptar dhe përpara nesh. Ne investuam në burimet për t’ju ndihmuar në luftën kundër krimit të organizuar dhe korrupsionit. Ku janë rezultatet? Populli shqiptar do që t’i jepet fund pandëshkueshmërisë. Komuniteti ndërkombëtar kërkon rezultate konkrete përpara vendimeve të rëndësishme këtë pranverë. Tik-tak.”