Autoritetet e Ekuadorit kanë njoftuar sot se është arrestuar trafikanti më i madh i drogës në këtë vend.
Qeveria dhe Policia e Ekuadorit raportuan arrestimin në Pasto, Kolumbi të Emilio Farfán, i njohur me nofkën “Gato Farfán” ose “Jerry”, të cilin e identifikuan si “trafikantin më të madh të drogës në Ekuador” për sasinë e drogës që ai kishte dërguar në Shtetet e Bashkuara të Amerikës dhe Evropë.
Presidenti Guillermo Lasso përmendi se Emilio Farfán ishte “objektivi me i lartë për shtetin ekuadorian”.
Zëvendëskomandanti i Përgjithshëm i Policisë Kombëtare të Ekuadorit, Manuel Iñíguez, shpjegoi se, si rezultat i arrestimit të tij në Kolumbi, janë kryer tre bastisje në provincën bregdetare të Guayas dhe një në Imbabura.
Si rrjedhojë e kontrolleve është arrestuar edhe një shtetas me kombësi shqiptare dhe janë sekuestruar 319 mijë dollarë, telefona satelitorë dhe pajisje GPS.
Autoritetet e Ekuadorit raportojnë se shqiptari i arrestuar është 37-vjeçari Artur Rrapaj nga Fieri.
