5.5 kilogramë heroinë e pastër u sekuestrua nga anti-droga greke në Aleksandrupoli të Greqisë. Lënda narkotike ishte e presuar në disqet e automejtit të markes Volksvagen Passat me targa shqiptare, që drejtohej nga një 32-vjeçar shqiptar, emri i të cilit nuk bëhet publik.
Autoritetet greke në kufi kanë lejuar të hyjë automjeti pa kontrolluar, duke organzuar atë që në gjuhën policore quhet “kalim i kontrolluar”.
Pak kilometra më tej, automjeti u ndalua dhe lënda narkotike u gjet e presuar në disqet e makinës. Policia thotë se autoritetet shqiptare iu kanë dhënë detaje homologëve grekë, edhe për personat që e prisnin një pjesë të ngarkesës në Athinë. Dy shqiptarë janë shpallur në kërkim në Greqi lidhur me këtë ngjarje.
Dyshohet se organizata e trafikut të narkotikëve në këtë mënyrë, ka kryer disa herë të njëjtin itinerar. Hetuesit po kërkojnë edhe anëtarët e tjerë të organizates që furnizojnë me sasi droge trafikantët shqiptarë të heroinës.
