Një sasi e madhe marijuane u kap në Bavari të Gjermanisë dhe me këtë trafik lidhet emri i një shqiptari. Bëhet fjalë për 230 kg lëndë narkotike që u kap në një kamion, i cili drejtohej nga 57 vjeçari shqiptar, emri i të cilit për momentin nuk publikohet nga policia.
Droga ishte futur në disa tuba plastikë të cilët më pas futeshin tek këmbët e arkave dhe mbylleshin. Tubat ishin me gjatësi 60 centimetra dhe diametër 11 centimetër. Janë gjetur 299 tuba plastikë dhe secili kishte 800 gram marijuanë.
Kjo është sasia më e madhe e marijuanës e sekuestruar në Bavari me vlerë 2.5 milionë euro.
Kamioni është ngarkuar në Itali dhe kishte destinacion Holandën. Prokuroria ka firmosur urdhërarrestin për 57 vjeçarin shqiptar, i cili i mohon akuzat duke thënë se ishte vetëm drejtuëes i mjetit dhe nuk mbante përgjegjësi për ngarkesën.
230 Kilo Marihuana- Passauer Fahnder stellen… by PanoramaVideo
