Rreth 29 kg heroinë u kap nga policia greke. Janë arrestuar dy shqiptarë dhe një vajzë greke. Mediat greke nuk japin emra, por shkruajnë se shqiptarët janë të moshës 32 dhe 34 vjeç dhe grekja 29 – vjeçe.
Droga u gjet në një tavernë në Kalyvia Thorikou, e cila përdorej si bazë për aktivitetin kriminal.
Heroina vinte nga Shqipëria dhe Turqia dërgohej në këtë tavernë dhe më pas ripaketohej dhe përzihej me substanca të tjera, shkruajnë mediat greke.
Autoritetet gjetën gjithashtu substanca përzierëse, rreth 4600 euro, telefona celularë, karta identiteti dhe patenta. (shih fotot)
