Policia Kufitare në Bllatë, ka vënë në pranga një person të shpallur në kërkim, pasi akuzohet si autor i disa veprave penale.
I arrestuari është 25 – vjeçari Ardit Canameti, banues në Burrel.
Ndalimi i Canametit erdhi pasi, në Gusht të vitit të shkuar, Gjykata e Rrethit Gjyqësor Mat ka caktuar masën e sigurisë “arrest me burg”, pasi, pas një konflikti të çastit në qytetin e Burrelit, në bashkëpunim me vëllezërit e tij shtetasit A C dhe G C, kanë tentuar të vrasin me armë zjarri e armë të ftohta shtetasit G.N dhe A.N .
Mbi Ardit Cabametin rëndojnë gjithashtu veprat penale të, “Vrasjes me dashje e mbetur në tentativë”, “Prodhim dhe mbajtje pa leje e armëve të ftohta e të zjarrit” , “Prishje e qetësisë publike”, e “Shkatërrim prone”.
