Policia australiane ka sekuestruar një sasi të madhe metamfetaminë, e cila kap vlerën e 700 milion dollarëve. Lënda narkotike ishte fshehur brenda qeseve me xhel që përdoren për gjoksin,
Autoritetet australiane kanë arrestuar tre shtetas nga Hong Kong dhe një kinez. Ministri i Drejtësisë Michael Keenan deklaroi se kjo është sasia më e madhe e konfiskuar ndonjëherë në historinë e Australisë.
“Ky ishte konfiskimi më i madh i metamfetaminës së lëngshme deri më sot. Kjo ngjarje është rezultat i kriminelëve, të cilët synojnë tregun fitimprurës australian”, tha ai. Autoritetet australiane deklaruan se bëhej fjalë 720 litra metamfetaminë të lëngshme.
Komandanti australian i policisë federale Chris Sheehan tha se operacioni ka nisur që në dhjetor të vitit 2015, kur forcat kufitare vunë re një anije nga Hong Kong në Sidnei.
