Policia e Lezhës ka mundur të sekuestrojë 320 gramë kokainë dhe të arrestojë në flagrancë poseduesin Pajtim Aga. Përmes një njoftimi për media, policia bëri të ditur: Më datë 25.09.2016, nga Seksioni kundër Narkotikëve në Drejtorinë Vendore të Policisë Lezhë, në bazë të informacioneve të siguruara në rrugë operative si dhe falë një operacioni të mirëorganizuar , u bë kapja dhe arrestimi në flagrancë i shtetasit: Pajtim Aga , 47 vjeç, banues në Tiranë. Gjatë kontrollit të ushtruar në automjetin e tij , i’u gjet dhe sekuestrua në cilësinë e provës materiale, një sasi 320 gramë e dyshuar lëndë narkotike “Kokainë” e paketuar.
Materialet procedurale u referuan Prokurorisë së Rrethit Gjyqësor Kurbin për vepren penale ” Prodhim dhe shitje e narkotikëve ” parashikuar nga neni 283 i Kodit Penal.
