Policia greke në Athinë ka vendosur në pranga një pjesëtare të një grupi kriminal shqiptaro-grek, që ishte goditur më 29 qershor, në një operacion ku u vunë në pranga 24 persona.
48-vjeçarja shqiptare e arrestuar në Marousi është bashkëshortja e drejtuesit të grupit, edhe ai shqiptar, ende në kërkim nga policia helene.
Mësohet se gjatë kontrollin në bahçen e shtëpisë së “kokës” shqiptare të grupit është gjetur e groposur rrëzë një ulliri, një vazo qelqi ku ishte përzier me oriz, 1 kg kokainë. Droga e përzier me oriz u gjet e groposur në 55 cm thellësi.
Gjithashtu në mesditë u arrestuan edhe 2 persona të tjerë nga efektivët e policisë së Atikës, ndërkohë që më 29 qershor, oficerët e policisë sekuestruan 10 kg marijuanë, kokainë, heroinë, armë dhe 93,000 euro.
Grupi në fjalë akuzohet se ka realizuar 11 vjedhje banesash dhe personash, por edhe 7 vjedhje makinash, teksa mjetet i përdornin në aktivitete kriminale.
