Një kamion me lëndë narkotike që vinte nga Shqipëria, është ndaluar ditën e sotme nga autoritetet italiane.
Bëhet fjalë për një sasi prej 2 kilogramë heroinë e fshehur brenda një kamioni në një vend të krijuar posaçërisht. Droga u gjet gjatë kontrollit në Portin e Barit, ndërsa shoferi u arrestua. Ai është nga Shqipëria, por identiteti i tij nuk është bërë me dije.
Heroina ishte ndarë në pesë pako të ndryshme dhe ishte fshehur poshtë sediljes së shoferit. Drejtuesi i mjetit u arrestua dhe akuzohet për trafik ndërkombëtar të lëndëve narkotike. Atij ju sekuestruan disa celularë. Hetimet janë duke vijuar për të zbuluar destinacionin e lëndës narkotike dhe personave të tjerë të përfshirë në këtë veprimtari kriminale.
