Një gomone me 800 kg hashash u kap në brigjet italiane pasditen e djeshme. Lënda narkotike ishte ngarkuar në Shqipëri, ndërsa në pranga kanë rënë dhe dy skafistët që transportonin drogën.
Policia shqiptare tha se gomonia u konstatua nga ne ndërsa operacioni i kapjes u realizua nga italianët.
“Dje pasdite pas sinjalizimit nga Policia Kufitare Shqiptare, Frontex me një avion portugez të patrullës, Guardia di Finanza me një helikopter dhe dy Njësi detare me mbështetjen e Guardua di Finanza në Durrës dhe Vlorë, kanë bërë të mundur bllokimin e një gomoneje 7 m të gjatë me dy motorë nga 150 kuajfuqi në afërsi të Viestes, Foxhia”, bëri të ditur policia.
Është sekuestruar gomonia dhe lënda narkotike, në total 800 kg e ndarë në 42 pako. Janë arrestuar në flagrancë dy skafistët shqiptarë me iniciale V.T, 21 vjeç nga Kavaja dhe D.B. 32 vjeç nga Durrësi. /Opinion.al
