Skaneri në Pikën e Kalimit Kufitar në Morinë identifikoi se një automjet ishte modifikuar në pjesën e dyshemesë.
Kjo bëri që efektivët e policisë të ushtronin një kontroll më të detajuar në vijën e dytë kufitare, në doganën kosovare. Nga kontrolli rezultoi se në pjesën e modifikuar ishin futur, të mbështjella me natriban rreth 25.5 kg marijuanë “çokollatë” dhe 29.5 kg marijuanë.
Lënda narkotike e presuar u gjet e fshehur në një automjet tip Opel Meriva që drejtohej nga shtetasi A.K.
Policia ka nisur hetimet për gjetjen e personave të tjerë të përfshirë në këtë rast të trafikut ndërkombëtar të lëndëve narkotike. /Opinion.al
