Armand Kurti shpërbente në zyrat e shtetit, konrektisht tek Drejtoria e Transportit Rrugor (patentat), por nga ana tjetër ishte pjesë e trafikut të drogërave të forta në Tiranë. Ai arriti ti ikte policisë ndërsa u kapën anëtarët e tjerë të grupit mes tyre një ish-polic. Gjergji Gjinaj, 49 vjeç ka qënë ish-polic patrulle në Laç, detyrë që e ka mbajtur deri disa vite më parë.
Sipas policisë, Kurti ishte personi që siguronte lëndën narkotike, që shitej më pas nga Gjergji Gjinaj dhe Ismail Alushi tek shpërndarësit e dorës së tretë. Sipas policisë, ata dyshohen se në bashkëpunim me njëri-tjetrin kryenin aktivitetin kriminal të shitjes kokainës dhe heroinës, në zona të ndryshme të Tiranës.
A.Kurti
Policia tha se: “Gjatë ditës së djeshme (25 janar) rreth orës 21:00, në Rrugën “Vllaznit Huta”, është konstatuar automjeti tip Fiat “500”, me drejtues Gjergji Gjinaj dhe rreth 10 metra më larg është konstatuar i parkuar automjeti tip Audi, me drejtues A.Kurti, i cili kontrollonte lëvizjet e personave dhe automjeteve në këtë rrugë. Zyrtari i patentave Armand Kurti ka arritur ti shpëtojë policisë dhe rezulton i shpallur në kërkim.
Menjëherë është bërë ndërhyrja nga ana e shërbimeve dhe kapja e shtetasit Gjergji Gjinaj, por në momentin e ndërhyrjes ka arritur të largohet me shpejtësi me automjetin e tij shtetasi A. Kurti, duke mos ju bindur thirrjeve për të ndaluar.
Nga kontrolli i ushtruar në automjetin tip Fiat është konstatuar një sasi me lëndë të dyshuar narkotike të llojt “Kokaine”, e cila rezultoi me peshë 978 gramë.
Gjergji Gjinaj
Nga informacionet e marra dhe nga kushtet e flagrancës, është ushtruar kontroll në banesën e shtetasit Ismail Alushi ku nga kontrolli i ushtruar është konstatuar një dozë e dyshuar lëndë narkotike e llojit “Heroinë”.
Gjithashtu nga kontrolli i banesës së shtetasit Gjergji Gjinaj, është gjetur një sasi prej 12.5 gramë lëndë e dyshuar narkotike e llojt “Kokainë”, një peshore elektronike si dhe shuma monetare prej 6750 euro”. /Opinion.al
