Policia ka publikuar sot një video në të cilën shfaqen këmbësorë të cilët nuk respektojnë rregullat e qarkullimit rrugor.
Ata neglizhojnë rëndësinë e vizave të bardha duke kaluar rrugën aty ku nuk ka sinjalistikë për një veprim të tillë, apo akoma më keq duke kapërcyer trafik ndarëset.
Policia i ka bërë thirrje qytetarëve të respektojnë rregullat, pasi në këtë mënyrë rrezikojnë sigurinë e tyre dhe të të tjerëve.
Njoftimi i policisë
Vëmendje, Këmbësorë! Rregullat e Sigurisë janë për të Gjithë!
Në videon e mëposhtme, ju do të shihni pamje të këmbësorëve që neglizhojnë rëndësinë e vizave të bardha. Këto veprime nuk janë vetëm të kundraligjshme, por gjithashtu rrezikojnë sigurinë e tyre dhe të të tjerëve.
Ne, kemi marrë masa ndëshkimore ndaj këtyre veprimeve gjatë muajit të fundit. Kjo është një përpjekje për të rritur ndërgjegjësimin dhe për të garantuar sigurinë e të gjithë përdoruesve të rrugës.
Le të bëhemi bashkë për një rrugë më të sigurt!
Kujdesi nis nga secili prej nesh! Respektoni vizat e bardha!
