Operacioni i koduar “Minatori” ka çuar në pranga dy persona në Bulqizë. Ata janë Endri Guzja 25 vjeç, banues në lagjen “Minatori” dhe Ridian Xheleka 25 vjeç banues në Shupenzë të Bulqizës, të dy të dënuar më parë për vjedhje në bashkëpunim.
Arrestimi i tyre u bë pasi më datë 13 shkurt 2016 në bashkëpunim me njëri–tjetrin kanë vjedhur me thyerje banesën e shtetases I.O., nga ku kanë marrë 4500 euro, 250 mijë lekë të rinj , dhe dy varëse floriri. Këta shtetas dyshohen të kenë kryer dhe vjedhje te tjera të cilët po punohet për dokumentimin e tyre.flori dhe leke
Në cilësinë e provës materiale janë sekuestruar një sasi lekësh, me vlerë 4.500 euro dhe 37.000 lekë të reja, si dhe sende me vlerë, si dy varëse floriri dhe dy byzylykë dore po floriri. Materialet procedurale i kaluan Prokurorisë Dibër, për veprat penale të “Vjedhjes”, “Moskallëzim i krimit” dhe “Përvetësimi i parave ose mallrave që rrjedhin nga vepra penale ose veprimtaria kriminale”.
