Policia ka vënë në pranga dy nga personat e grabitjes me armë të një furgoni të sapo ardhur nga Italia.
Burime nga policia thanë se dy personat u kapën në kodrat e Panajasë, ndërsa janë sekuestruar dy armë zjarri kallashnikov si dhe mjeti me të cilin u larguan autorët.
Grabitja u shënua rreth orës 08:30 minuta në zonën e Skelës në Vlorë.
Furgoni bënte linjën Vlorë- Brindizi-Firence.
Grabitësit e armatosur me kallashnikov kanë ndaluar furgonin dhe kanë nxjerrë pasagjerët jashtë dhe i kanë marrë sendet me vlerë dhe eurot që kishin me vete. Flitet për një shumë rreth 16 mijë euro.
Policia po vijon ndjekien për kapjen e autorit të tretë.
