TIRANE- Tre adoleshentë dhe një i ri u vunë në pranga pasi u kapën duke vjedhur një banesë në periferi të Tiranës. Sakaq ata akuzohen edhe për disa vjedhje të tjera. Lajmi u bë i ditur nga policia e cila tha se u finalizua operacioni “FARKA 2016”.
Të arrestuarit janë:
1- Amarildo Margjini, 19 vjeç, banues në Tiranë
2– E. S., 15 vjeç, banues në Tiranë
3- E. S., 16 vjeç banues në Tiranë
4- Ani Ibraliu, 26 vjeç, banues në Tirane.
Arrestimi i këtyre shtetasve u bë për faktin se në datë 24.03.2016 rreth orës 20:00 në vendin e quajtur fshati Krrabë –Tirane, ne bashkëpunim me njëri – tjetrin kanë vjedhur banesën e shtetasit : O. T., 58 vjeç, banues në Tiranë, ku i kanë vjedhur këtij shtetasi mjete pune si (gur fresibel, trapanë dhe saldatriçe) me vlerë totale demi 100.000 lekë.
Shtetasit e arrestuar në bashkëpunim me njeri tjetrin në kohë edhe vënde të ndryshme kanë kryer vjedhje të tjera dhe konkretisht:
1- Më datë 07.07.2015, kanë vjedhur banesën e shtetasit Sh. L., banues në Tiranë
2- Më datë 12.07.2015 kanë vjedhur banesën e shtetasit E. P., banues në Tiranë.
3- Më datë 12.08.2015 kanë vjedhur banesën e shtetasit K. T., banues në Tiranë.
4- Më datë 28.11.2015 kanë vjedhur banesën e shtetases V. A., banuese në Tiranë.
5- Më datë 24.12.2015 kanë vjedhur banesën e shtetasit F. B., banues në Tiranë.
