Tre 18-vjeçarë janë arrestuar nga policia e Tiranës të dyshuar për një seri vjedhjesh. Gjatë operacionit të koduar “Kompleksi”, kanë përfunduar në pranga: Orgest Osmani, Romario Çuko dhe Valter Sulenji.
Tre të rinjtë janë kapur në flagrancë në momentin që po vidhnin dyqanin e shtetasit R. P. Nga hetimet e kryera dhe nga informacionet e marra është arritur të dokumentohet se këta shtetas në bashkëpunim me njëri-tjetrin janë autorë të disa vjedhjeve të tjera.
Vjedhjet e kryera nga tre të rinjtë
Më datë 23.05.2016, në rrugën “Thoma Koxhaj” janë vjedhur disa materiale në automjetin e shtetasit N. S.
Më datë 20.05.2016, në rrugën “Loni Ligori” është vjedhur banesa e shtetases V. H.
Më datë 17.05.2016, në rrugën “Ali Kelmendi” është vjedhur lokali i shtetasit R. Xh.
Më datë 16.05.2016, në Kombinat është marrë kasetofoni i automjetit të shtetasit O. M.
Më datë 15.05.2016, në rrugën “Tanush Frasheri” janë vjedhur disa vegla pune në automjetin e shtetasit E. Ll.
Më datë 28.04.2016, në rrugën “Kole Kçi” është marrë kasetofoni i automjetit të shtetasit R. S.
Më datë 13.05.2016, në Kombinat është marrë kasetofoni i automjetit të shtetasit B. B.
Më datë 30.04.2016, në rrugën “Haki Stërmilli është vjedhur dyqani i shtetasit S. Zh.
Më datë 19.04.2016, në rrugën “Mikel Maruli” janë vjedhur dy pasqyrat e automjetit në pronësi të të shtetasit J. T.
Më datë 13.04.2016, në rrugën “Teodor Keko” është tentuar të vidhet zyra me administrator shtetasin R. P.
Më datë 07.03.2016, në rrugën “Vasil Tramara” është vjedhur banesa e shtetasit D. D.
