Sekretariati i Etikës së Kuvendit ka vendosur të përjashtojë me 10 ditë tre deputetë të Partisë Demokratike.
Bëhet fjalë për Ervin Salianjin, Petrit Dodën dhe Edmond Spahon.
Partia Socialiste kërkoi përjashtimin e deputetëve pas kaosit të krijuar ditën e enjte në Kuvend ku mes deputetëve pati përplasje, ndërsa në një moment deputeti Ervin Salianji ndezi flakadanë.
“Në nisje të seancës, deputeti Ervin Salianji, zaptoi foltoren duke penguar zhvillimin normal të punimeve plenare, si dhe i ndihmuar nga deputetët Petrit Doda dhe Edmond Spaho, ndezi disa flakadën në sallën e seancave”-thuhej në kërkesën e PS-së.
