Partia Socialiste ka kërkuar përjashtimin e 7 deputetëve të tjerë të opozitës. Kjo kërkesë e tyre vjen pas kaosit të krijuar në seancën e kaluar në Kuvend.
Vendimi pritet të jepet sot në orën 16:00.
Deputetët për të cilët është kërkuar përjashtimi janë: Ervin Salianji, Bledjon Nallbati, Asllan Dogjani, Lefter Gështenj, Isuf Celaj, Luan Baçin dhe Xhelal Mziu.
Për shkak të aksionit opozitar të nisur së fundmi në Kuvend, mazhoranca ka kërkuar ndryshimin e rregullores së Kuvendit. Aktualisht, përjashtimi nga seanca është 10 ditë, mirëpo pas ndryshimeve të bëra, parashikohet një maksimum deri në 60 ditë.
