Policia ka vënë në pranga një 42-vjeçar, pasi kërcënonte dhe përndiqte nxënësit e Shkollës së Mesme të Bashkuar në Krrabë.
Mësohet se ky shtetas, me anë të një thike rrugës për në shkollë, kanoste dhe përndiqte disa nxënës nga klasa e 9-të deri në klasën e 12-të.
Ndaj 42-vjeçarit rëndojnë dy akuza, “Kanosja” dhe “Përndjekja”.
“Falë reagimit të menjëhershëm të shërbimeve të Policisë, u bë e mundur kapja në afërsi të shkollës, e shtetasit A. B., 42 vjeç, banues në Tiranë. Gjatë kontrollit fizik, këtij shtetasi iu gjet mjeti prerës (thikë), me të cilin kërcënonte disa nxënës të kësaj shkolle. Ky shtetas, me anë të mjetit prerës (thikë), rrugës për në shkollë, kanoste dhe përndiqte disa nxënës nga klasa e 9-të deri në klasën e 12-të të shkollës në Krrabë”,njoftoi policia./Opinion.al
