Policia e Durrësit ka arrestuar një 24-vjeçar, i cili akuzohet se kanosi me armë zjarri një person.
Burime nga policia bëjnë me dije se Klaudjo Hasa, banues në qytetin bregdetar, akuzohet se në 3 shkurt, rreth orës 19:00, në lagjen Nr. 3, pas një konflikti për motive të dobëta, ka kanosur me armë zjarri pistoletë shtetasin D. Sh., 23 vjeç.
Me të marrë njoftim, menjëherë në vendngjarje kanë shkuar Efektivet e Policisë, të cilët kanë bërë të mundur kapjen dhe arrestimin e autorit dhe sekuestrimin në cilësinë e provave materiale armën e zjarrit tip pistoletë ‘Brwning’, një krehër me 6 copë fishekë.
Materialet i kaluan Prokurorisë Rrethit Gjyqësor Durrës për veprime të mëtejshme për veprat penale “Kanosja” dhe “Prodhimi dhe mbajtja pa leje e armëve luftarake dhe e municionit”.
