Ditën e sotme u mblodh Grupi Parlamentar i PS për të mbledhur firmat për kandidaturën e Presidentit të ri, Bajram Begaj. Sipas Kushtetutës duhen të paktën firmat e 20 deputetëve për mbështetjen e një kandidati për President të Republikës. Ndërkohë sipas news 24 nga grupi i PS janë mbledhur deri tani 37 firma në mbështetje të kandidatit Begaj.
Kandidatura me firmat e deputetëve dorëzohet brenda orës 12:00 të së shtunës në Kuvendin e Shqipërisë.
Ndërkohë në orën 16:00 mblidhet Komisioni i Ligjeve për verifikimin e pastërtisë së figurës së Bajram Begajt, 2 orë përpara se emri i tij t’i shkojë Kuvendit për votim.
