Një nga kandidatet që synon postin e kryeprokurorit të përkohshëm, Ermira Tafani, është denoncuar si pjesë e skemës korruptive për t’i dhënë një personi dënimin minimal në këmbim të parave.
Denoncimin e bëri në muajin janar, emisioni investigativ STOP.
Gjyqtarja e Elbasanit, Pajtime Fetahu me 2000 euro mori përsipër të nxjerrë me minimumin e dënimit personin në paraburgim, Kristjan Leka.
Ndërkaq, prokurorja Ermira Tafani, ka kërkuar 1500 euro për mbylljen e çështjes gjyqësore.
Prokurorja e Gjykatës së Elbasanit, në bashkëpunim me gjyqtaren dhe një tjetër prokuror kanë marrë ryshfet për lirimin e të riut të akuzuar për tri vepra penale.
